ekran платформа за слободоумни
Вчера напладне „Суперхикс“ го промовира албумот Underground Evergreens, но во вид на винил плоча. Албумот пред половина година беше објавен на цеде, а сега доби ново винилно издание.
„Суперхикс“ досега има пет студиски албуми, еден албум со најголеми хитови и еден снимен во живо, но ова е нивна прва плоча.
„По 23 години и пет албуми, конечно „Суперхикс“ ја доби својата прва плоча. Им благодариме на сите што беа вклучени во реализацијата на албумот, кој сега ќе можете да го слушате и на грамофон“, рече Петар Младеновски пред присутните.
На промоцијата бендот отсвири неколку песни на платото пред продавницата „Југотон“ во ГТЦ во Скопје.
