Според рецептот на познатиот Рудолф Бројс
Ако не сте слушнале за чајот на Бројс, крајно време е да научите нешто за оваа „шолја здравје“. Станува збор за растителна смеса, која се состои од нане, маточина, кантарион и жалфија и која се подготвува различно во однос на здравствениот проблем за кој е наменета.
Од составот веќе е јасно дека чајот на Бројс е невидено здрав напиток бидејќи не се знае која од состојките е поздрава, а пред да објасниме како се прави чајот, неколку збора за докторот по кој е именуван чајот.
Рудолф Бројс бил австриски лекар со скромно потекло, кој цврсто верувал дека природата има моќ целосно да го излечи нашиот организам. Тој смислил терапија која вклучува чаеви и диети, за кои тврдел дека лекува рак и многу други, инвазивни болести.
Состав на чајот
Како што рековме, чајот на Бројс се состои од нане, маточина, кантарион и жалфија, а има и причина зошто овие растенија се состојките.
Нането е многу моќно во борбата против вирусите и токсините во организмот кои влијаат на бубрезите и црниот дроб, кантарионот има антисептички, аналгетски и благи седативни својства, жалфија е богата и со антисептик и есенцијални масла, како и маточината, која помага во борбата против токсините, вирусите и бактериите.
Овој чај помага при проблеми со бубрезите, желудникот и за чистење на организмот, но одличен е и за здрави луѓе на кои им помага за зајакнување на имунитетот.