ekran платформа за слободоумни
Како најчестата лекарска препорака, седум часа сон, влијае на вашето тело?
Луѓето кои спијат доволно имаат поголема веројатност да чувствуваат благодарност, ментално се поотпорни и чувствуваат дека добро се справуваат со сите свои обврски. Според Американската академија за медицина на спиењето и Друштвото за истражување на спиењето, возрасните треба редовно да спијат најмалку 7 часа секоја вечер за да се одржи оптималното здравје, продуктивност и перформанси. Што се менува во вашето тело ако правилно се грижите за вашиот сон?
Една нова студија, објавена во списанието SLEEP, покажува дополнителни придобивки од грижата за вашиот сон. Излегува дека луѓето кои добро спијат се чувствуваат поблагодарни, психолошки се поотпорни и веруваат дека се развиваат. Во студијата учествувале 90 волонтери од кои било побарано да си легнат рано, доцна или во нормално време во текот на работната недела. Нивниот сон се следел со помош на специјални сензори.
„Истражувањето покажува дека среќата во Соединетите Држави се намалила во последните години, а проблемите со спиењето станале почести во истиот период. Иако е познато дека недостатокот на сон ги влошува проблемите со менталното здравје, сè уште не се спроведени експериментални студии за да се види дали зголемувањето на сонот ги подобрува позитивните аспекти на животот, како што се чувството за цел, надеж и благодарност“, вели водечкиот автор Мајкл Скалин од Универзитетот „Бејлор“.
„Суптилното зголемување на количината на сон ја зголеми благодарноста на луѓето, како и нивниот имунитет и чувството за развој во животот“, додава тој. Студијата покажала дека зголемувањето на времето за спиење обично е релативно лесно – само одете на спиење порано. Волонтерите од најраната група спиеле 46 минути подолго од просекот, додека оние кои си легнувале последенни спиеле 37 минути помалку.
Фото: Архива
