ekran платформа за слободоумни
Јапонија е земја полна со изненадувања за странците. Во неа дури и учебната година не започнува на крајот на летото, туку во април, а завршува во март
Оние среќници кои имаа можност да ја посетат Јапонија остануваат под позитивен впечаток до крајот на животот. Во Јапонија сè е поинаку отколку во светските училишта. Еве што се должни да прават и почитуваат нивните ученици.
– Децата од 1 до 6 одделение посетуваат нижо основно училиште. Составот на паралелките се менува секоја година, како и наставниците, така што учениците имаат можност да запознаат нови лица.
– Сите основци имаат слични чанти наречени „рандосеру“. Во најконзервативните училишта девојчињата носат црвени, а момчињата црни.
– Многу првцачиња носат жолти капи за да бидат забележани од далечина.
– Во некои училишта учениците се одговорни да го одржуваат училиштето чисто. По часовите, секое одделение ја чисти својата училница, а класните редари ги чистат тоалетите и дворот, пишува Bright Side.
– Учениците се пресобуваат во бели влечки (увабаки). Дури и родителите кои го посетуваат училиштето мораат да ги соблекуваат чевлите што ги носеле на улица.
– Вишо основно училиште се запишува по 6-то одделение и трае три години. Ова е местото каде што повеќето ученици почнуваат да носат униформи.
– Во некои училишта девојчињата мора да носат кратки здолништа и доколенки, а хулахопки не се дозволени.
– Правилата за облекување и изглед се строги. Во повеќето училишта, момчињата не смеат да носат зулуфи (бакенбарди) – тие се дозволени само за наставниците.
– Во многу училишта девојчињата не смеат да се шминкаат. Во училниците има шишиња со мицеларна вода за секој што ги прекршува правилата.
– Речиси половина од училиштата бараат од девојчињата да носат вистинска црна коса, а оние кои ја немаат мораат да докажат дека не ја фарбале или виткале. Потврдата ја потпишуваат родителите.
– Средното училиште трае од 10 до 12 одделение, а во десетто се преминува со полагање на приемен испит.
– Средношколците имаат задолжителни и изборни предмети. Задолжителна е едногодишната домашна економија каде младите се подготвуваат за семеен живот.
– Изборните часови вклучуваат, меѓу другото, риболов и земјоделство.
– Речиси во секое училиште, еднаш месечно директорот им се обраќа на собраните ученици.
– Освен што го проверуваат знаењето, професорите проверуваат и дали учениците внимателно водат белешки за предавањето. Од учениците се очекува да го запишат секој збор што им е диктиран.
– Една мајка напишала дека на ќерката и купила гума за бришење, но дека на девојчето и било забрането да ја користи бидејќи е бела.
