ekran платформа за слободоумни
Холивудската легенда, повеќекратно наградуваниот актер Роберт де Ниро на прагот на деветтата деценија го доби своето седмо дете, а мајката се уште не е позната.
Холивудскиот актер Роберт де Ниро на 79-годишна возраст стана татко на своето седмо дете, пренесува „Page Six“.
Портпаролот на познатиот холивудски актер не го открил името и полот на детето. Начинот на кој се дознало дека добитникот на бројни награди добил дете е тоа што во интервју ја коригирал новинарката, а кога таа констатирала дека е татко на шест деца, тој ја корегирал и рекол дека „штотуку добил дете“.
Де Ниро, во таа прилика, не го открил идентитетот на мајката на малечкото – иако неговата девојка Тифани Чен минатиот месец се шетала со труднички стомак. Оскаровецот првпат беше поврзан со инструкторката за боречки вештини од Њујорк во 2021 година, а дуото заедно го прослави неговиот 78-ми роденден во Франција. Тој стана татко за прв пат во 1971 година кога тој и Дијана Абот ја добија ќерката Дрена, која сега има 51 година.
Тие се родители и на синот Рафаел. Покрај тоа, Де Ниро ги има синовите близнаци Арон и Џулијан со Туки Смит, како и синот Елиот и ќерката Хелен со поранешната сопруга Грејс Хајтауер. Тој и Хајтауер се разведоа во 2018 година по повеќе од две децении брак.
Извор: Page Six
