Хидратацијата на пределот околу очите е многу важна ако не сакате, пред време, да видите брчки на тоа подрачје…
Стареењето на кожата и брчките е неминовно во еден момент, но за да се продолжи периодот без нив, кожата мора да биде доволно хидрирана и негувана.
Маските што можете сами да ги направите се одличен додаток за негата, покрај кремите.
Како прво, затоа што тие се целосно природни и не можат да ви наштетат, а покрај тоа, вие самите ги правите, така што точно знаете кои состојки ги користите.
Со овие маски ќе ја вратите еластичноста на кожата околу очќте и темните кругови ќе бидат минато.
Масло од бадем и мед
Покрај навлажнувачката, оваа маска ќе помогне да се отстранат и темните кругови и да се „испеглаат“ малите брчки. За најдобри резултати, користете ја два пати неделно.
Измешајте една лажица масло и една лажица мед.
Нанесете на пределот под очите и оставете неколку минути, а потоа исплакнете.
Маска од кафе
Оваа маска е омилена кај многу жени. Ја намалува натеченоста околу очите.
Потребна ви е лажичка кафе и лажичка мед за да ја подготвите.
Измешајте и нанесете, па оставете да делува околу 10. минути. После тоа, исплакнете и можете да го ставите кремот што го користите за пределот околу очите.
Најдобро е овие маски да ги нанесете пред спиење.