На 8-ми Март во Public Room со почеток во 21 часот ќе ја гледаме Дина Јашари заедно со другари со специјален настап по повод Денот на жената.
Дина Јашари е несомнено една од најсветлите млади ѕвезди на Македонската музичка сцена која минатата година, покрај бројните настапи на музичките фестивали низ Македонија, успеа да го издаде и свето прво EP насловено „Дома”.
По повод меѓународниот ден на жената на 8-ми Март, по кратка пауза, за прв пат ќе настапи во Public Room со својот бенд, односно – со своите другари. Картите се во ограничен број, а веќе се пуштени во продажба на веб-страната и во продажната мрежа на MK Tickets.
Ова е првиот од низа настапи на Дина во текот на овој месец. Таа наскоро ќе и се претстави на публиката во соседството со самостојни концерти во Белград и Загреб.