ekran платформа за слободоумни
Афазијата е неможност да се користи јазикот: како таква, таа се манифестира преку сите јазични модалитети: влијае на способноста за слушање и зборување, читање и пишување и не зависи од слухот и видот.
Брус Вилис страда од здравствена состојба која влијае на неговите когнитивни способности и ќе паузира од актерството, објави неговото семејство.
Веста е објавена на Инстаграм профилот на неговата ќерка Румер.
View this post on Instagram
„Сакавме да им кажеме на обожавателите на Брус како семејство, дека нашиот сакан Брус има здравствени проблеми, неодамна му беше дијагностицирана афазија, која влијае на неговите когнитивни способности. Како резултат на тоа, Брус се оддалечува од кариерата која многу му значеше”, се вели во соопштението.
„Ова е навистина предизвикувачки период за нашето семејство и ние сме многу благодарни за вашата континуирана љубов, сочувство и поддршка“, велат тие. Истата објава се појави и на профилот на поранешната сопруга на Брус, Деми Мур.
View this post on Instagram
Што е афазија?
Кај возрасните, називот афазија се однесува на нарушување на веќе стекнатиот јазик и говор.
Причина за настанување
Причината за афазијата е познато или непознато оштетување на мозокот (оштетување кое е мало, т.е. молекуларно или невробиохемиско, па затоа е морфолошки невидливо, односно не може да се докаже со дијагностички процедури). Најчеста причина за афазија е мозочниот удар. Причините најчесто се васкуларни лезии, тумори, трауми, дегенеративни заболувања на ЦНС. Може да се настане и со повреда на главата, удар или инфекција.
Клиничка слика
Афазијата е неможност да се користи јазикот: како таква, таа се манифестира преку сите јазични модалитети: влијае на способноста за слушање и зборување, читање и пишување и не зависи од слухот и видот.
Фото: Принтскрин/Instagram
