Подгответе се за вистинска зима: Еве какво време не очекува во наредните 5. дена!

Иако официјално влеговме во зимата се чини дека не е вистинска без снег, а ниските температури во наредните 5 дена се чини ќе не потсетуваат дека сме кон крајот на декември…
Од УХМР за денес најавуваат наутро ведро и многу студено, преку денот сончево со слаб северен ветер. Утринските температури ќе се движат од – 13 до -5, а дневните од -2 до 8 степени.
За утре (четврток) се најавува слично време – наутро многу студено, преку денот сончево со мала локална облачност. Ќе дува слаб ветер од јужен правец. Утринските температури ќе се движат од – 13 до – 5, а дневните од 0 до 9. степени.
Во петок се очекува сончево со мала до умерена облачност, позначителна во западните делови. По одделни ќе има појава на магла. Ќе дува слаб до умерен ветер од југозападен правец, поизразен во западните делови. Минимална температура: -7°C до 0 °C. Максимална температура: 3°C до 11°C.
Во сабота ќе биде умерено до значително облачно, по одделни со појава на магла. Ќе дува слаб до умерен ветер од југозападен правец, поизразен во западните делови. Минимална температура: -6°C до 2°C. Максимална температура: 4°C до 12°C.
Во недела се најавува претежно облачно, во крајните западни делови со локaлeн дожд. Ќе дува слаб до умерен јужен ветер. Минимална температура: 0°C до 6°C. Максимална температура: 5°C до 13°C.