ПОДАТОК ШТО ОХРАБРУВА: Вакцинираните со „Фајзер“ кои ја прележале болеста имаат шест пати поголема заштита од оние кои не примиле вакцина!

САМО една доза од вакцината Фајзер покренува имунолошки одговор сличен на оној генериран од организмот по инфекцијата и обезбедува заштита од различни соеви на вирусот за луѓето кои прележале ковид 19, покажуваат резултатите од студијата објавена денес во Велика Британија.

Студијата вклучила 237 лица и заклучено е дека оние кои веќе го прележале ковид 19 имале посилен имунолошки одговор на Т-клетките на вирусот, дури шест пати посилен од оние кои не биле заразени.
Авторот на студијата, д-р Тишан де Силва од Универзитетот во Шефилд, изјавил дека кај оние кои прележале ковид 19, одговорот на инфекцијата е ефикасен во случај на мутациите, новите соеви на коронавирус, како што е варијантата од Јужна Африка.