Почна имунизацијата на наставниот и воспитен кадар од Ѓорче Петров

Во вакциналниот пункт  во С.Ц „Борис Трајковски“-Скопје почна имунизацијата против Ковид-19 на наставниот и воспитен кадар од училиштата и градинките од општина Ѓорче Петров.

Станува збор за наставнички кои вршат дејност од прво до трето одделение. Пријавени за вакцина се и наставничките што ќе предаваат во 1-во одделение од септември.

Од градинките се вакцинираат воспитувачи, негувателки, педагози и психолози. Интересот за вакцинација кај воспитниот и наставен кадар од општина Ѓорче Петров е голем.

Овој процес на заштита на населението ќе придонесе за стабилизација на состојбата со коронавирусот.  Сите образовни установи во општината работат согласно протоколите за заштита од пандемијата.