Јафет Кото, актер познат по улогите во филмовите „Осмиот патник“ и „Џејмс Бонд: Живеј и остави ги другите да умрат“ и сериите „Одделот за убиства“ починал на 82-годишна возраст, потврдил неговиот агент Рајан Голдар за „Варајати.
Неговата сопруга Теса Синахон, која е во брак со него скоро 24 години, ја објави тажната вест за неговата смрт на Фејсбук, во понеделникот вечерта.
„Тажна сум и сè уште сум во шок … Почина синоќа околу 22:30 часот по филипинско време. Играше негативец во неколку филмови, но за мене беше вистински херој, добар човек, добар татко, добар сопруг и пристоен човек каков е тешко да се најде … Беше еден од најдобрите актери во Холивуд, беше легенда. Почивај во мир, душо, ќе ми недостасуваш секој ден, мојот најдобар пријател, мојата карпа“, напиша Теси на социјалната мрежа.
Кото е роден во Њујорк на 15. ноември 1939. година, а започнал да студира глума на 16-годишна возраст во студиото за глума во театарот „Мобил“. До својата 19-та година дебитирал во театарот во претставата „Отело“, а настапувал и на Бродвеј во претставата „Големата бела надеж“.
Во неговата долга кариера, тој се појавил во бројни телевизиски серии, вклучувајќи ги „Закон и ред“ и „Хаваи 5-0“, но е најпознат по улогата во филмот „JЏејмс Бонд: Живеј и остави ги другите да умрат“ од 1973. година во кој го глумел корумпираниот карипски диктатор д-р Канангу, но и неговото алтер его, Биг.
Освен сопругата, тој зад себе остави и шест деца.