Американскиот пејач Џони Неш, познат по реге хитот од 1972. година,I Can See Clearly Now,, починал на 80-годишна возраст, изјавил неговиот син Џон Неш III.
Неш починал од природна смрт во неговиот дом во вторникот, изјавил Џон Неш Трети за веб-страницата TMZ и за локалната ТВ станица во Лос Ангелес.
„Тој беше прекрасен татко и семеен човек. Тој ги сакаше луѓето и светот. Ќе недостасува во нашата заедница. Семејството за него беше сè”, изјави тој за TMZ.
Хитот I Can See Clearly No, бил издаден во 1972. година и бил на врвот на Билборд Хот 100 листата на најпопуларните синглови објавувани неделно во САД од магазинот Билборд четири недели. Песната стана хит и во Канада, Велика Британија и Јужна Африка.
Неш е роден на 19. август 1940. година во Хјустон, Тексас и својата кариера ја започнал кон крајот на 1950-тите како пејач и актер. Во средината на шеесеттите се пресели во Јамајка каде беше под влијание на реге-музиката. Тој исто така беше еден од првите не-јамајкански пејачи што снимил реге музика во Јамајка. Неговиот последен студиски албум Here Again беше издаден во 1986. година.