ekran платформа за слободоумни
Во сабота на 28 октомври 2023 година во Инфо Центарот на Националниот Парк Пелистер, со почеток од 11 часот, ќе се одржи работилница за фотографија насловена како „Пелистер низ објективот“ со познатиот фотограф Љубомир Стефанов, еден од режисерите и ко авторите на Медена Земја.
Дали ја сакате планинската фотографија?
Дали сакате да ги усовршите своите вештини за да ја доловите величествената убавина на врвовите и долините?
Или едноставно сакате да разменети искуства…Еве една златна можност што не треба да ја пропуштите!
Возбудени сме што ви нудиме шанса за БЕСПЛАТНА еднодневна работилница прилагодена за љубителите на фотографијата како вас. Нурнете длабоко во светот на планинската фотографија со нашиот проект, Are You Ready for Pelister?
Познатиот фотограф Љубомир Стефанов, еден од режисерите и ко авторите на Медена Земја, чии дела инспирираа многумина, ќе биде ваш ментор за тој ден. За оние кои не знаат, сакаме да споделиме дека Љубомир е личност кој својата професионална кариера ја има започнато работејќи повеќе години на Пелистер како фотограф, па оттука и нашата иницијатива тој да биде ментор на оваа средба. Шанса да зборуваме за нијансите, техниките и перспективите за да ја доловиме душата на планинината како никогаш досега, стои во објавата од организаторот на оваа работилница.
Бројот на места е ограничен, а предност ќе имаат битолските фотографи со минимум две години искуство.
