Глобалниот ланец на кина Showcase Cinemas неодамна спроведе интересна анкета со цел да се избере најсекси машка филмска ѕвезда на сите времиња.
Во истражувањето учествувале 2.000 жени, од кои сите се мајки, а првото место, по малку неочекувано, го зазел холивудскиот актер Том Круз.
„Холивудскиот срцекршач Том Круз се најде на врвот на листата на омилени филмски ѕвезди“, потврдил Џон Диксон, претставник на компанијата.
Ќе забележите дека другите имиња на оваа листа се разликуваат од оние кои вообичаено ги гледаме на таквите листи, па така во топ 10 влегоа следните актери: Робин Вилијамс, Том Хенкс, Патрик Свејзи, Роберт Редфорд, Џон Вејн, Харисон Форд, Морган Фримен, Алан Рикман, Бредли Купер.
Во истата анкета е избран и најомилениот филм на сите времиња, а најмногу гласови освои филмот „Звукот на музиката“ од 1965 година.
Фото: Архива