Територијата на нашата држава е под влијание на циклонска активност со центар во Медитеранот и истата е на серија на влажни но релативно топли возушни бранови кои условуваат чести врнежи.
Уште незаминат стариот бран кој во текот на веќе вчерашниот ден особено попладнето и вечерта ја зафати нашата држава доаѓа нов влажен бран кој овој пат ќе услови и нестабилност во атмосферата.
Денес времето во нашата држава ќе биде променливо облачно и релативно топло. Во текот на претпаднето ќе има само слаб локален дожд и тоа претежно на запад додека околу пладне и попладне како и навечер врнежите ќе се интанзивираат но сепак најинтензивни ќе бидат на запад каде локално ќе наврнат нови околу 20 л/м2 воден талог.
Ќе има и локален развој на нестабилна облачност проследена со поинтензивни врнежи и грмежи.
Ќе започне да дува засилен ветер од јужен и од југозападен правец.
Максималните дневни температури на воздухот ќе се искачуваат во интервалот од 12. до 18. степени.
Да напоменеме дека снег ќе паѓа само на највисоките планини и тоа на северозападот и на западот од државава (над 2000 м.н.в).
Под влијание на силно јужно и југозападно воздушно струење кое ќе го имаме во текот на денешниот ден но и утре (среда) освен многу нестабилното време со чести врнежи ќе се врши и транспорт на прашина и на песок од Сахара.
Поради оваа ситуација на некои места дождот кој ќе врне ќе биде помешан со прашина и со песок.
ОЧЕКУВАЊЕ НА БРЗИНА НА ВЕТЕР: Ќе дува умерен до засилен, повремено локално и СИЛЕН ветер од јужен и од југозападен правец кој на моменти ќе достигнува брзина од над 80 км/час.
Сето ова ќе услови да имаме натпросечно топло време и релативно високи температури на воздухот за овој дел од годината, најавува метеоролот Славчо Попоски од meteomax.mk.
Нов влажен бран но и силен ветер со прашина и песок од Сахара
©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.