ekran платформа за слободоумни
Рафаел Надал е во полуфиналето на Мелбурн. Шестиот играч во светот, по голема борба и промашени два сета вишок, сепак го победи Денис Шаповалов со 6:3, 6:4, 4:6, 3:6, 6:3.
Се очекуваше Канаѓанецот да му биде рамноправен ривал на Шпанецот, но почетокот на мечот не го навестуваше тоа. Првиот сет беше целосно мирен. Во четвртиот гем беше забележан само еден брејк. Деконцентрираниот Шаповалов го загуби сервисот со нула и до крајот на овој дел од играта Надал лесно ја задржа стекнатата предност.
🗣️ "You guys are all corrupt!"
Denis Shapovalov has unloaded on the chair umpire in a stunning outburst on Rod Laver arena. 😳🤯#AusOpen – Live on Channel 9 and 9Now pic.twitter.com/BUdTxut1Fc
— Wide World of Sports (@wwos) January 25, 2022
Шаповалов имаше можност уште на стартот на петтиот сет да го скрши Надал и да го прекине мечот во своја полза. Не ја реализираше шансата за брејк, но затоа успеа Шпанецот и во следниот гем и стигна до 2:0. Рафа се мачеше и во следниот гем на свој сервис, спаси уште две брејк топки но поведе со 3-0.
Тогаш дуелот беше решен. Шаповалов никогаш не доби друга шанса. Катастрофалниот избор на удари во петтиот сет и нетрпеливоста на крајот го чинеа победа и пласман меѓу четворицата најдобри. Надал, пак, покажа дека и покрај големата паузаа што ја имаше, сепак може да игра мечеви на високо ниво во пет сета.
Надал ќе игра за пласман во финалето на првиот сезонски Грен слем со победникот од мечот Беретини (Италија) – Монфис (Франција).
Not looking back 👀@denis_shapo fights back to level things up against Nadal, taking the fourth set 6-3.#AusOpen • #AO2022 pic.twitter.com/aAhsm8XrbL
— #AusOpen (@AustralianOpen) January 25, 2022
Фото: Принтскрин/Twitter
