Кукла на украинскиот претседател Володимир Зеленски деновиве е изложена во Американскиот музеј на преголеми подвижни кукли, среде руската инвазија на земјата, објави телевизијата CBS.
Музејот објавил дека по 5. долари од секоја продадена кукла ќе бидат исплатени на Фондот GlobalGiving за помош во украинската криза, поддржувајќи ја хуманитарната помош за погодените заедници во Украина и околните региони во кои избегаа бегалците.
Куклата на Зеленски е облечена во темно одело и сина вратоврска, стои на основата што го носи неговото име. На позадината е украинското сино-жолто национално знаме.
Секоја кукла ќе биде поединечно нумерирана и достапна само во онлајн продавницата на Националната куќа на славните и музејот Bobblehead. Куклите, кои се очекува да пристигнат во јули, ќе чинат 30. долари.
„За да ја покажеме нашата поддршка, како и безброј други ширум земјата и светот, возбудени сме да ја претставиме оваа кукла од украинскиот претседател Володимир Зеленски за да помогнеме во собирање средства и подигање на свеста за Украина“, рекол ко-основачот и извршен директор на Националната куќа на славните и музејот Боблхед, Фил Склар.
Фото: Принтскрин/