Меси како дете страдал од нарушување на растот, еве како да го препознаете тоа кај децата

ИАКО денес е голема фудбалска ѕвезда, Лионел Меси како дете се соочил со голем здравствен проблем. Имено, кога имал само 11 години, неговите родители забележале дека неговиот раст не е како што се очекувало за дете на негова возраст. Според Times India, неговиот раст стагнирал, а набргу по посетата на лекар било откриено дека има недостаток на хормон за раст.

This image has an empty alt attribute; its file name is leo-mesi-kako-dete.jpg


Дефицитот на хормонот за раст (GHD) е состојба предизвикана од недоволна количина на хормон за раст во телото. Ова хормонално пореметување се решава со инјектирање на хормонот за раст, а токму тоа морал да го прави аргентинскиот фудбалер секоја вечер.

Симптоми кои укажуваат на недостаток на хормон за раст
Како да препознаете дали и вашето дете страда од ова нарушување? Лекарите предупредуваат дека најчест знак за недостаток на хормон за раст е првенствено застојот во растот, односно кога детето е значително пониско од другите деца на негова возраст. За разлика од неговите врсници, детето на кое му недостасува хормон за раст стагнира со висината, а доколку тоа не се препознае навреме може да има многу посериозни последици.


Други знаци може да вклучуваат:
– одложен пубертет
– лице кое изгледа помладо
– бавен развој на забите
– нарушен раст на косата
– зголемени маснотии околу лицето и стомакот
– главоболки.
Иако оваа состојба воопшто не е безопасна, доколку навреме се препознае и се лекува со супституциона терапија со хормон за раст, таа веќе не претставува никакви проблеми во зрелата возраст.

Фото: Принтскрин/Instagram


©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Менторската работилница „Што после средно“

Во среда, на 22 мај 2024 година, во кафе-книжарницата Буква, со почеток од 12:00 часот …