Потребно е:
250 мл масло
175 г бел шеќер
75 г кафеав шеќер
100 мл млеко
1 кесичка ванилин шеќер
4 јајца
300 г брашно
25 г какао
4 лажички прашок за печиво
1/2 лажичка сол
рендана кора од еден портокал
Подготовка:изматете ги јајцата со двата вида шеќер. Во пенливата смеса напоредно додавајте ги маслото и млекото.Во брашното измешајте ги печивото и солта, вмешајте во смесата од јајца.Соединете ги состојките да добиете хомогена смеса. Тестото поделете го на два дела. Едниот останува жолт и тука вмешајте го ванилиниот шеќер, а во другата половина додајте какао и коричка од портокал. Секоја од смесите ставете ги во ќесички за декорирање. Во калап за печење намачкан со путер и наросен со брашно паралелно истиснувајте малку од едната па малку од другата смеса.
Доколку сакате поедноставен принцип – со лажица ставајте прво од едната па потоа од другата смеса, на средина ќе видите како колачот се шара и ја добива потребната „зебра“ креација.
Рерната загрејте ја на 180 степени и префрлете го калапот со тестото кој претходно неколку пати сте го удриле од работната маса – за да излезе воздухот и да се израмни.Печете околу 35 минути, најдобро да проверите, со чепкалка, дали е испечено.
Извадете го колачот од рерна, префрлете на работна површиа. Нека стои неколку минути а потоа внимателно префрлете на чинија за служење.
Послужете со чај, кафе или топло чоколадо.