Марни напишала дека Маркле, глумицата чија мајка е црнкиња, а таткото белец, „ќе фрли дамки“ на кралското семејство, а во друга порака заклучила дека не би имала полни односи со „црнец“ бидејќи сите се „грди“…
Водачот на британската еуроскептична партија УКИП во неделата е повикан да се повлече од должноста откако весникот Mail on Sunday објавил дека неговата девојка испратила расистички пораки за свршеницата на принцот Вилијам, Меган Маркле (36).
Хенри Болтон (54) минатата година станал четврти водач на партијата за една година. Партијата имала големо влијание на референдумската одлука за Брегзит.
Fantastic Boxing Day drinks with @_HenryBolton 💜👍🏻🍻 pic.twitter.com/FYybtLMr75
— Jo Marney (@Jo_Marney) December 26, 2017
Болтон околу Божик завршил во таблоидите бидејќи ја оставил сопругата поради 25 годишен модел и членка на УКИП, Џо Марни. Mail on Sunday објавил низа пораки кои Марни ги испратила на пријател, а во кои навредливо ги коментирала Маркле и црнците.
Весникот потоа го објавил и нејзиното извинување бидејќи таа сега тврди дека нејзините коментари се ’извлечени од контекстот’. Марни поради тоа е суспендирана од партијата.
Бил Етерхејџ,член на УКИП и застапник во Европскиот парламент рекол:
„Дојде време Хенри Болтон да поднесе оставка на местото водач на УКИП. Тој мора да си замине и тоа бргу и колку е можно потивко“.
Смета дека тој политички е неискусен и дека неговото водство било „пекол“ за партијата. Питер Витли, членот на лондонското собрание од редовите на УКИП, рекол дека Болтон би требало да биде исфрлен од партијата.
Марни напишала дека Маркле, американска глумица, чија мајка е црнкиња, а таткото белец „ќе фрли дамки“ на кралското семејство, а во друга порака заклучила дека никогаш не би имала полови односи со „црнец“ бидејќи се „грди“.
„Што прави тој со глупавата глумица за која никој не слушнал. Па ова е Британија а не Африка“ напишала.
Маркле и принцот Хари ќе се венчаат на 19. мај во дворецот Виндзор.