ekran платформа за слободоумни
Пентхаусот на Парк авенија кој властите на бивша Југославија го купиле во 1975. година се продава за 18. милиони долари. Продажбата започнала оваа недела, а парите од продажбата на некогаш луксузниот пентхаус на два спрата би требало, според договорот за сукцесијата, да ги поделат бившите републики.
Станува збор за стан со шест соби со четири бањи кои ги користеле амбасадорите на бившата држава при Обединетите нации. Станува збор за две недвижнини на Менхетн кои биле во сопственост на Југославија.
Во дуплексот со површина од 216. метри квадратни никој не престојувал повеќе до 20. години, а станот моментално е во руинирана состојба. Тоа објаснува зошто агенцијата која го продава објавила само две фотографии, онаа од терасата и од зградата во која се наоѓа станот.Југословенскиот амбасадор, Јакша Петриќ во 1975. година за станот платил 100.000 долари – во готово.
New York Post пред два месеци потсетил дека во станот престојуавал и Јосип Броз Тито.
„Тоа е вистински дијамант кој може да се претвори во скапоцен камен на врвот на една од најекслузивните згради на Парк Авенија“ рекол Тристан Харпер, агентот задолжен за продажба на пентхаусот.
Наводно, славниот Роберт Де Ниро бил заинтересиран за купување на станот во
Њујорк кој бил во сопственост на СФРЈ. Дуплексот од 216 м2, со 14 простории од кои шест спални соби,четири бањи, две тоалети се наоѓа на 730. авенија…
Славниот глумец бил свесен за руинираноста на станот но него го привлекувал фактот дека станот бил поврзан со Јосип Броз Тито.Веќе долго се говорело дека за купување на овој стан на Менхетн бил заинтересиран и Џек Николсон.
Имало многу славни личности кои биле заинтересирни за овој стан, не само Николсон и Де Ниро. Николсон конкретен интерес покажал пред пет години и било прашање дали е сеуште потенцијален купувач.
Фото: www.elliman.com
