Веста дека Алек Болдвин ја застрелал својата колешка Халина Хачинс на снимањето на филмот „Rust“ вчера го вознемири светот. Многумина застанаа во негова одбрана, тврдејќи дека тоа не е негова вина, а се споменува и информацијата дека на снимката е користен вистински пиштол.
Ова го демантираше неговата колешка Дебра Месинг, и на Твитер го поддржа шокираниот Болдвин.
Месинг реагираше на објавата на Бени Џонсон, конзервативна медиумска личност:
„Важна вест: Алек Болдвин уби лице со пиштол, во тек е кривична истрага. Ова е вистинскиот наслов за вас“.
Спомнувањето на вистинскиот пиштол на сетот се уште не е никому многу јасно, па актерката реагираше и ги демантираше информациите:
„Апсолутно НЕ е. Му беше предаден пиштол реквизит. Го искористи на сцената. Потоа се случи катастрофален настан каде Халина Хачинс го загуби животот, а Џоел Соуза беше повреден. Се молам за сите нивни семејства“.
It is absolutely NOT. A prop gun was handed to him . He used it in the scene. Then- a catastrophic event happened where Halnya Hutchins lost her life and Joel Souza was injured. I am praying for all of their families. https://t.co/dsUxsofs3F
— Debra Messing✍🏻 (@DebraMessing) October 22, 2021
Да потсетиме, холивудскиот актер Алек Болдвин ја уби директорката на фотографија Халина Хачинс за време на несреќни околности за време на снимањето на вестерн во Њу Мексико во САД, кога пукал со пиштол, пишува „Њујорк тајмс“. Режисерот на тој филм Џоел Соуза е ранет во овој бизарен инцидент.
Актерот го поддржаа многумина, а познавачите на правилата на снимање тврдат дека вината сигурно не е на Болдвин.
Фото: Принтскрин/Instagram