Сестрите близначки привлекуваат огромно внимание бидејќи не личат една на друга, а луѓето не можат да веруваат дека се потполна спротивност.
Луси и Марија Ајлмер се родени во 1997. година како близначки. Сепак, од моментот на раѓање привлекуваат големо внимание и предизвикуваат мешаница каде и да се појават поради фактот што се близнаци.
Причината за тоа е нивниот изглед кој е значително различен и покрај тоа што се близначки. Имено, Марија има темна кожа, црна, виткана коса и црни очи. Од друга страна, Луси е токму спротивното, и има природна црвена коса, права коса, светла кожа и светло сини очи.
„Никој никогаш не верува дека сме близначки затоа што јас сум бела, а Марија е со темна кожа. Дури и кога се облекуваме исто, сè уште не изгледаме како сестри, а камоли близначки. Пријателите на час не натераа да им донесеме крштеници за да им докажеме дека навистина сме сестри“, изјавила Марија за американските медиуми пред неколку години.
На многу луѓе не им е јасно како е можно сестрите близначки да се сосема спротивни една од друга, но факт е дека тие се двојајчани близначки, што значи дека две јајни клетки биле оплодени од две различни сперматозоиди. Имајќи го предвид овој факт, иако се родени во исто време, тие не поседуваат идентичен генетски материјал.
И нивната мајка не можела да го сокрие изненадувањето и шокираноста кога ги видела по прв пат, но набрзо и објасниле за што се работи.
„Тоа бил страшен шок за нашата мајка. Таа немала поим дека ќе бидеме толку различни. Кога акушерката нè предала, и двајцата останале без зборови”.
Фото: Принтскрин/Facebook