ekran платформа за слободоумни
Овие ќофтиња можете да ги послужите како главно јадење или предјадење
Состојки
2 средно големи (750 гр) црни патлиџани
100 гр рендан кашкавал
2 лажици пармезан
2 мали јајца
80 гр лебни трошки
2 лажици ситно сецкан магдонос
1 чешне ситно исечкано лукче
по вкус сол и бибер
по потреба масло за пржење и лебни трошки за валкање на ќофтињата
Подготовка: патлиџаните ставете ги да се печат во загреана рерна на 250 степени околу 30 минути. Потоа извадете ги, завиткајте
во најлон и оставете ги да се изладат.
Излупете ги и раскинете ги на парчиња. Ставете ги во цедалка некое време да се исцеди водата што ја пуштаат.
Ставете ги во сад и изгмечете ги со алатка за пире. Додајте ги сите останати состојки и убаво измешајте ги. Со рака правите ќофтиња, валајте ги во лебни трошки и пржете ги во масло на среден оган. Пржени извадете ги на кујнска салфетка, потоа сервирајте ги и послужете се.
