На социјалните мрежи се шири фотографија од една од најубавите плажи во светот – заливот Навагио во Грција, а многумина се разочараа откако го виделе количеството отпад што го оставиле туристите.
Камчестата плажа Навагио се наоѓа во истоимениот залив, кој е украсен со бели карпи и тиркизни нијанси на синото Јонско Море, а до него може да се стигне само со брод.
View this post on Instagram
Се наоѓа на островот Закинтос, а важи за „заштитно лице“ на разгледниците и привлекува огромен број туристи. Но, туристите и гужвите кои таму преовладуваат во текот на летото имаат негативна страна.
Неодамнешната фотографија од оваа идилична локација ги разочара корисниците на социјалните мрежи поради количината на ѓубре најдено на неа.
Екологот Михалис Бакас на својот Фејсбук профил ја објавил фотографијата и се запрашал како може туристите да бидат толку несовесни.
View this post on Instagram
„Грчко лето 2022. Не можам да разберам како можеш да платиш за да одиш на една од најубавите плажи во светот на неколку часа и да го оставиш ѓубрето таму“, напишал тој.
Шефот на островот Никитас Аретакис за локалните медиуми објаснил дека до неодамна плажата била во надлежност на општината и дека тие го отстранувале ѓубрето, но дека тоа веќе не е нивна одговорност.
Фото: Принтскрин/Instagram