ekran платформа за слободоумни
Канадската глумица и манекенка Стефани Шерк починала во саботата на 20. април, на само 37. години, јавуваат американските медиуми. Нејзиниот сопруг, мексикански глумец, 55. годишниот Демијан Бичир тажната вест ја објавил на Инстаграм.
„Стефани не напушти. Ова е најтешко и најтажно време во нашите животи и не знаеме колку време ќе ни треба да ја надминеме оваа болка. Убавото, ангелско и талентирано присуство на Стефани засекогаш ќе ни недостасува. Засекогаш ќе ја држиме Стефани во нашите срца. Однапред заблагодаруваме на сите за нивните молитви и го бараме вашето разбирање за да тагуваме во мир и приватност во овие неверојатно тешки времиња. Наша искрена надеж е дека нашата прекрасна Стефани, мојот ангел и љубов на мојот живот, ќе почива во вечен мир“, напишал во емотивната порака сопругот на глумицата и многумина расплакал.
Демијан напишал и дека неговата сопруга „умрела во мир“ иако не појаснил од што била болна. Јавноста не била упатена во дијагнозата на познатата глумица, дури ниту нејзините блиски пријателки како Дајана Кругер не знаеле за болеста.
„Ох, демијан, толку ми е жал. Немав поим. Ти испраќам многу љубов во овој тежок момент“, напишала Дајана на објавата на Демијан за смртта на сопругата.
Мексиканскиот глумец кој бил номиниран за Оскар за својата улога во „A Better Life и глумел во филмот „The Hateful Eight” на Тарантино, Стефани ја претставил во своето режисерско деби „A Tale of Circus & A Love Song”.
Глумицата играла во филмовите „Star Pover”, со Ештон Качер во филмот „Valentine’s day”, „CSI: Ciber” (2015) i “Telenovela” (2015).
Стефани Шерк и Демијан Бичир биле заедно од 2011. година и немале деца.
