Кралската венчавка на Меган Маркл и принцот Хари привлекува огромно внимание во целиот свет, па се очекува директниот пренос од настанот да го следат повеќе од две милијарди луѓе ширум светот, барем толку ја следеле венчавката на принцот Вилијам и Кејт Мидлтон.
И’ додека сите нетрпеливо чекаат да видат како ќе изгледаат деталите од самата прослава, тие вчера одржале генерална проба.
Целиот град е накитен и подготвен за прослава, а знамиња се веат на секој чекор.
Идните сопружници вчерашниот ден го минале во замокот Виндзор, за да присуствуваат на генералната проба и да се уверат дека се е како што планирале.
Папараците ги фотографирале во автомобил, а додека тие насмеано гледале еден во друг, на социјалните мрежи се појавиле коментари дека изгледаат премногу заљубени.
Меган непосредно пред венчавката со сите ги споделила лошите вести, изјавувајќи дека нејзиниот татко Томас Маркл нема да присуствува на кралската венчавка во сабота, како и дека со самото тоа нема да ја одведе до олтарот.