(ФОТО) Посен колач на тетка Љупка

Колачот е превкусен, а лесен за подготовка и вистинско освежување на свечените посни трпези – особено за слава.
Состојки:
100 г суви сливи
100 г суви кајсии
100 г ореви
100 г лешници
1 голема лажица суво грозје накиснато во рум
1 лажица какао
1 лажичка цимет
200 г шеќер
250 г меко брашно
5 големи малку кисели јаболки
1 кесичка прашок з апечиво
Подготовка: во голем сад ставете ги сливите, кајсиите, оревите, лешниците и сувото грозје – ништо не сечкајте. Додајте шеќер и цимет и добро измешајте (рачно). Потоа изрендајте ги јаболките во смесата и повторно добро измешајте. Додајте го брашното измешано со печивото и какаото. Мешајте со дрвена лажица или рака, по потреба додајте уште брашно. Смесата треба да е хомогена и со лажица да може да се става во калапот.
Долг правоаголен калап убаво намачкајте со маргарин и наросете со лебни трошки па со лажица ставете ја смесата. Ставете во рерна загреана на 160 степени и печете околу час и половина.