АКТЕРКАТА Кејли Куоко, позната како Пени од The Big Bang Theory, стана мајка.
Таа и сопругот Том Пелфри на светот му го претставија своето девојче. „Ви ја претставуваме Матилда Кармин Ричи Пелфри, новата светлина на нашите животи. Пресреќни сме и благодарни за ова мало чудо“, напиша Кејли на својот профил.
View this post on Instagram
Кејли и Том се запознале на премиерата на Ozark минатиот април. Актерката во едно подоцнежно интервју открила дека тоа е „љубов на прв поглед“. Тие ја потврдија врската во јавноста еден месец подоцна, а во октомври се дозна дека очекуваат принова.
Актерката во едно интервју во 2016 година откри дека се надевала дека дотогаш ќе има деца. „Вие го замислувате животот на еден начин, а испаѓа на друг начин“, рекла таа тогаш.
Фото: Принтскрин/Instagram