ekran платформа за слободоумни
Прва земја во Европската унија што ја донесе оваа одлука.
Малта од среда ќе им забрани на сите невакцинирани посетители да влегуваат во земјата, најави министерот за здравство, Крис Ферн.
Негативен тест за вирусот повеќе нема да биде доволен за да се премине границата на тој мал медитерански остров.
„Ние ќе бидеме првата земја во Европската унија што ќе донесе оваа одлука, но мора да го заштитиме нашето општество“, рекол Ферн на денешната прес-конференција. Тој го изјавил тоа откако на Малта од понеделникот се регистрирале двојно повеќе заразени лица од претходниот ден.
До денес, туристите можеа да влезат на Малта ако се целосно вакцинирани или ако можат да презентираат негативен PCR тест. Единствен исклучок се британските туристи, кои веќе мораа да бидат целосно вакцинирани поради распространетоста на варијантата делта во нивната земја. „Сертификатите важат само за оние кои се целосно вакцинирани“
Ферн рекол дека неодамнешното зголемување на бројот на нови случаи е меѓу посетителите кои иако имале негативен тест пред да се качат на авионот, биле невакцинирани. Повеќето се млади луѓе кои посетуваат училишта на англиски јазик. Тие училишта, од среда, ќе мора да се затворат.
Фото: Принтскрин/Instagram
