ekran платформа за слободоумни
На денешен ден пред 27 години, Хрватска и светот беа обвиткани во црно. На 7. јуни 1993. година, Дражен Петровиќ загина во сериозна сообраќајна незгода, за која целиот спортски свет сè уште зборува со неверување.
Во попладневните часови на 7. јуни 1993. година, по Дражен на аеродромот во Франкфурт дошла неговата девојка Клара Сазанџи во друштво на нејзината пријателка Хилал Едебал. Дражен и таа биле во врска само неколку месеци. Клара требало да го однесе Дражен во Минхен, а тогаш се случила катастрофа на автопатот А9 во близина на градот Денкендорф.
Клара со голфот удрила во камион на Мерцедес, наводно возејќи 160. км на час. Петровиќ спиел на седиштето на совозачот, и при ударот испаднал од автомобилот и починал на лице место.
За Клара со години не се знаело многу, а ништо ниту за третото лице во автомобилот до 2011 година.
Клара Сазанџи е родена во 1970. година и била германска кошаркарка и модел. Пред да започне врска со Дражен, таа била негов голем обожавател и со помош на пријател од Хрватска се обиде да стапи во контакт со него преку менаџерот. Дошла на еден натпревар и, според пријателите, љубовта веднаш почнала .
Саланџи никогаш не зборувала за нејзината врска со Дражен и трагичната сообраќајна несреќа. Таа неколкупати дошла во Загреб, на гробот на Дражен и, наводно, била во контакт со неговиот брат.
Три години по несреќата, таа се запознала со германскиот фудбалер Оливер Биерхоф. Тие се венчале во 2001. година а во 2007. добиле дете. Клара доживеа уште две големи трагедии во 2010 година – го загуби своето дете во осмиот месец од бременоста, а нејзиниот брат Ладислав починал малку после тоа.
