ekran платформа за слободоумни
Кјара Ферагни, најбогатиот италијански моден блогер, е една од оние што се во карантин поради ширењето на коронавирусот.
Кјара е јавно ангажирана да помогне во подигање на јавната свест за важноста на придржување кон упатствата на Светската здравствена организација (СЗО) за време на епидемијата на коронавирус. Исто така, Ферагни секојдневно споделува фотографии од нејзиниот дом во Италија, каде во моментот е во карантин со семејството.
„Мојот карантински тим“, напиша убавицата објавувајќи фотографија на која позира со својот син и нивниот домашен миленик.
Таа, исто така, ги коментираше оние што тврдат дека коронавирусот е „претерување“.
„Цела Италија е затворена и во домашни карантини. Цела Италија. Доста ми е од оние луѓе кои не го сфаќаат ова сериозно“, рекла таа, додавајќи дека нејзината продавница во Милано е затворена поради безбедност на вработените.
Кјара и нејзиниот сопруг биле вклучени во собирање донации за борба против коронавирусот, за што самите донирале 100.000 евра. Досега се собрани над три милиони евра на платформата GoFundMe за само 24 часа, при што донациите доаѓаат од 92 земји.
