Како најавуваше така и играше – Симона Халеп од првиот до последниот момент на тревникот на Вимблдон поубедлива и подобра од Серена Вилијамс..И, навистина, Симона Халеп покажа дека нема причина за страв кога игра со Вилијамс…
Симона Халеп одигра неверојатен меч, нејзиниот најдобар во кариерата, за 56. минути ја победи Серена Вилијамс во финалето и прв пат го освои Вимблдон.
Вимблдон има нова шампионка, Симона Халеп со фантастичен перфроманс ја победи Серена Вилијамс и дојде до огромниот трофеј.
Мечот не траеше ни еден час, Халеп победи со 6-2 и 6-2 за само 56 минути игра.
По натпреварот таа беше прашана дали некогаш одиграла подобар меч од овој, таа одговори: „Никогаш“.
И Серена Вилијамс беше полна со комплименти за Халеп велејќи дека Романката одиграла меч кој е надвор од умот.