Како гостинка во емисијата „Sept à Huit“, француската актерка и поранешно заштитно лице на Шанел, Керол Букет (64), зборувала за естетската хирургија, а ја искористи приликата да ја критикува поп-пејачката Мадона.
„Кога ги гледам оние луѓе кои подлегнале на козметички зафати и кога овие интервенции се малку забележани на личноста, секогаш помислувам – ‘можеби’. Но проблемот е што тоа секогаш се гледа и не можеш а да не го забележиш. Значи – ништо од тоа“, вели Букет.
Тогаш актерката го искористила примерот на естетските корекции на Мадона за да ги поткрепи нејзините зборови со докази.
„Извинете, но ги видов фотографиите на Мадона и ме фати паника, ме исплаши. Како може да се погледне во огледало наутро? Тоа не е таа. Тоа е некој друг”, вели Карол, која не го крие шокот од физичкиот изглед на Мадона.
„На жените не им е лесно да се соочат со стареењето, но тоа е дел од животот“, вели Букет, додавајќи дека таа лично нема намера да оди на естетска хирургија за, како што вели, „да го врати времето назад“.
Да потсетиме, Керол Букет има глумено во повеќе од 40. филмови, а ќе остане најпозната по улогата на девојката на Бонд. Покрај споменатата улога, Керол ги освои срцата на публиката и со улогата во меѓународно успешната драма-комедија Trop belle pour toi (1989). Улогата и ја донесе и наградата Цезар за најдобра актерка
Фото: Принтскрин/Sept à Huit.