СТУДЕНТКАТА Мелиса Рауф стана првата личност во 94-годишната историја на изборот за „Мис на Англија“ која се натпреварувала без шминка.
Иако не победи, речиси сите светски медиуми, меѓу кои и The Washington Post, пишуваа за нејзината убавина.
Тоа им пркоси на стандардите за убавина
Како што објаснила Мелиса, научила да се натпреварува без шминка за да „им пркоси на стандардите за убавина“.
View this post on Instagram
„Со години се чувствував несигурно и срамежливо, за што најмногу придонесоа социјалните мрежи. Бев бомбардирана со монтирани и фотошопирани фотографии“, изјавила таа за Би-Би-Си.
Рауф се квалификуваше за финалето на изборот за Мис на Англија во јуни, откако ги импресионираше судиите во Лондон за време на полуфиналето.
„Ова многу ми значи затоа што чувствувам дека многу девојки од различна возраст се шминкаат затоа што се под притисок да го направат тоа“, рекла таа тогаш.
View this post on Instagram
„Никогаш не сум почувствувала потреба да ги исполнувам стандардите за убавина. Неодамна прифатив дека сум убава во својата кожа и затоа решив да се натпреварувам без шминка”, објаснила таа и додала дека не е против шминката и дека понекогаш и самата ја става.
Новата Мис на Англија е инженер за воздухопловство
Да потсетиме, во финалето на Мис Англија за најубава беше прогласена 26-годишната воздухопловна инженерка Џесика Гаген, која минатата година беше прва придружничка.
„За време на средно училиште ме задеваа затоа што сум црвенокоса. Не го спомнав тоа многу за време на минатогодишниот натпревар бидејќи многу верувам во оставањето на негативните работи во минатото. Но, факт е дека никогаш немало црвенокосата Мис на Англија“, изјави Џесика за британските медиуми.
View this post on Instagram
Фото: Принтскрин/Instagram