Пандемијата на коронавирус навела многу луѓе ширум светот да примат вакцина против оваа болест во обид да се спречи понатамошно ширење на инфекцијата, но сè уште има и такви кои се противат на вакцинацијата поради една или друга причина.
Јосип Броз Тито, исто така, имал проблеми со антиваксерите во поранешна Југославија, а документ од 1947. година, кој кружи на социјалните мрежи, открива и како ги казнувал.
Имено, откако една младинска бригада, која учествувала во работата на изградбата на пругата Шамац – Сараево, одбила да ја прими вакцината, од нејзиното име е земен зборот ударна, што во тоа време се сметал за голем срам, пишува порталот Klix.ba.
„Третата Личка бригада се казнува со одземање на името на ударната бригада затоа што 90 млади од оваа бригада не сакале да се вакцинираат, со што се создава можност за ширење на заразни болести и загрозување на здравјето на младите“, пишувало во објаснувањето на одлуката.
Казната била прочитана јавно, пред собирот на сите бригади на младинската работна акција на пругата Шамац – Сараево, што го направил срамот уште поголем.
Фото: Facebook/Wikipedia