Првата дама на Франција, Брижит Макрон, со дополнителна претпазливост, полека се враќа на своите должности, но слободното време го користи и за активности што ја прават среќна.
Јавноста копнееше по првата дама на Франција, Брижит Макрон (67), која не ја напушти Елисејската палата од затворањето на таа земја поради коронавирусот.
Сега таа го надополнува тоа, па покрај тоа што веќе го имала првиот официјален настап кога посетила болница во близина на Париз, слободното време го користи и за активности што не минуваат незабележано од страна на фото-репортерите.
За оваа пригода, првата дама носела палто во измиена црвена боја до колената, црни тесни фармерки кои се нејзин заштитен знак, а имала чизми до глуждот во иста боја, со ниска потпетица. Она што го сменила е формата на очилата.Сега носи многу актуелна форма, тркалезни очила за сонце кои се многу популарни ова лето.
Таа била видена како вози велосипед низ улиците на француската престолнина, а тоа е рекреација што Брижит ја сака и практикува долго време, често и со сопругот Емануел.