ekran платформа за слободоумни
СУПЕРМАРКЕТИ, автомобили, лифтови… се само дел од необичните места каде се раѓаат бебиња, а ваквите вести многу брзо го обиколуваат светот. Бразилката Џоис Фигеиро ги добила своите трудови за време на концертот на „Металика“ на стадионот Куто Переира во Куритиба, Бразил во саботата навечер.
Таа на Инстаграм споделила детали за необичното родно место на нејзиниот син, а потоа бендот ја споделил веста на својот Инстаграм со 8,2 милиони следбеници, пишува Sky News.
View this post on Instagram
Џоис купила билети за концертот пред три години, но поради пандемијата на коронавирус, концертот неколку пати бил одложуван. Таа на концертот пристигнала во 39-та недела од бременоста.
Таа била придружувана од нејзиниот сопруг Хаиме Фигујеро, кој повикал брза помош веднаш штом започнало породувањето, но поради напредните контракции било предоцна да биде пренесена во болница.
View this post on Instagram
Среќната мајка на својот Инстаграм профил напишала дека нејзиниот син се родил додека членовите на „Металика“ ја изведувале песната „Enter Sandman“, додавајќи дека била особено емотивна бидејќи тоа е омилената песна на нејзиниот татко.
Таа на шега напишала и дека својот син ќе го именува Џејмс Улрих по гитаристот Џејмс Хетфилд и тапанарот Ларс Улрих.
Фото: Принтскрин/Instagram
