„Браќа Нуне“ – Филип и Раде Нуневски, минатата недела го промовираа своето првенче, албумот „По патот“.
Во хотелот „Queеn’s“, пред многу гости, соработници, новинари, пријатели, се одржа промоцијата каде Филип и Раде отсвиреа во живо и дел од музиката на албумот, а водители беа Лила Филиповска и Ване Маркоски.
Овој албум е прв солистички и авторски на Браќа Нуне. Во него се појавуваат и соработници и гости како Светолик Нуневски ,Милан Завков, Милан Кацарски, Николче Мицевски, Златко Миладиновски, Војче Петрушев,Никола Митровиќ,Али Латифов, Далибор Ефтимовски, Дејвид Демир и Горан Гешовски воедно и продуцент на овој албум.
„На овој албум е работено повеќе од една година и се состои од 11. композиции. Очекуваме истиот да наиде на добар прием oд публиката“, велат браќата.
На самата промоција, гостите имаа можност да го набават новиот албум, а со средствата собрани од истиот, Филип и Раде ги израдуваа дечињата од „СОС Детско село – Македонија“ со новогодишен подарок.
Потсетуваме дека, пред овој прв солистички албум, најзначајна за нив е и соработката во оркестарот на Есма Реџепова.
Албумот е веќе пуштен во продажба.
(ФОТО) Браќата Нуне го промовираа првиот албум „По патот“
©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.