ekran платформа за слободоумни
Од крајот на февруари, кога започна војната во Украина, претседателот на Украина, Володимир Зеленски, беше поддржан од луѓе ширум светот, а неодамна го посети и оскаровката Џесика Честејн.
View this post on Instagram
Џесика го посети Зеленски во Украина, а по тој повод украинскиот претседател споделил неколку заеднички фотографии на социјалните мрежи.
Актерката во Украина пристигнала со воз, а на главната железничка станица во Киев ја пречекала официјална украинска делегација.
За време на средбата, Зеленски и се заблагодари на актерката за нејзината посета и го пофалила народот на Украина кога рекла дека се „многу храбри и силни“.
„За нас ваквите гостувања на познати личности се исклучително вредни. Благодарение на ова светот уште повеќе ќе ја слушне, знае и разбере вистината за она што се случува кај нас“, напишал тој.
Во оваа прилика актерката ќе ја посети и детската болница Охматдит, како и градот Ирпин, кој претрпе големи штети уште во февруари, пренесуваат локалните медиуми.
View this post on Instagram
Да потсетиме, Џесика Честејн годинава доби Оскар за главната улога во биографската драма „Очите на Тами Феј“.
Позната е по улогите во филмови каде што како тема преовладува феминизмот, а поради таквите улоги се најде меѓу 100-те највлијателни личности во 2012. година.
Првата номинација за Оскар ја доби за улогата во драмата „The Help“, додека вторпат беше номинирана за улогата во трилерот „Zero Dark Thirty“.
Некои од другите филмови во кои таа е актерка се „Lawless“, „Interstellar“, „The Martian“, „Zookeeper’s Wife“, „Dark Phoenix“ и други.
Фото: Принтскрин/Instagram
