ekran платформа за слободоумни
Жената која чекала до 41. година да ја изгуби невиноста со вистинскиот маж, открила дека со сопругот го очекува своето прво дете.
Аманда МекКрејк во 2014. година во телевизиското шоу на Кејти Курик признала дека го чека вистинскиот човек. Во летото 2018. година, таа се запознала со тапанарот Дејв, со кого десет месеци подоцна ја поминала својата прва интимна ноќ .
Двојката се венчала два месеци подоцна, а минатиот месец 42-годишната објавила дека е четири месеци бремена.
„Ова е најдобрата објава за роденден што сум ја направила досега. Минатиот јули баба Велда мене и Дејв не праша кога ќе се венчаме. ‘Можеби за една година’, одговорив. ‘Во јули?’, возврати таа и рече дека дотогаш би можеле да имаме бебе. Нејзините зборови се чини дека се обистинија. Очекуваме бебе кое ќе се роди кон крајот на јули или почетокот на август“, напишала МекКрејк, додавајќи дека наскоро ќе го открие полот на бебето.
Во интервју за BBC, Аманда ја отворила душата и рекла дека толку долго чекала да ја изгуби невиноста, бидејќи првите неколку партнери ја оставиле за други жени. Тоа ја натерало на страв од врзување.
„Вредеше да се чека. Сексот е одличен, но сега сум во врска со маж кој ме сака и може да ми понуди љубов“, вели таа.
За Huffington Post изјавила дека била интимна со неколку мажи додека барала љубов, но никогаш немала секс.
„До 40-годишна возраст, излегував со повеќе од сто мажи. Со повеќе од 50 бев интимна, но никогаш не до ркај. Не чекав за брак од религиозни причини“, истакнала таа и открила дека од многумина била повредена поради нејзината одлука.
