ДОКТОРЕ НЕ ДАВАЈ ДА УМРАМ: Момче со „свастика“ на градите го молел лекарот, Евреин, да го спаси!

Лекар од Калифорнија, инаку Евреин, ја објавил својата приказна за лекувањето на пациент кој бил заразен со коронавирус, а чие тело било покриено со нацистички тетоважи. Во низата објави на социјалните мрежи тој опишал како се чувствувал во тие моменти.
Д-р Тејлор Николс, чии твитови за ова искуство станаа вирални, објасни со каква ситуација се соочувал додека лекувал пациенти со коронавирус.
Овој човек се соочил со пациент кој „изгледал болно, му било непријатно, бил исплашен“, а кога персоналот на брзата помош во болницата кај Сакраменто му ја соблекле маицата, сите забележале тетоважи на неговото тело.
„Свастиката се издвојуваше храбро на неговите гради. СС тетоважите и другите ознаки што порано беа покриени со маичка, сега беа очигледни во собата“, рекол Николс.

Меѓу присутните членови на персоналот биле афро-американска медицинска сестра и азиски терапевт, пренесува Independent.
„Не дозволувај да умрам, докторе“, рекол цврсто градениот човек, без здив додека бил префрлуван на кислоро
Тој додал дека мажот покажувал знаци на долготрајна употреба на метамфетамин и дека тој речиси и немал заби.
Николс го увери дека ќе се грижи за него и ќе го одржи жив колку што може.
Пациентот продолжил да се бори да дише, барајќи од лекарот да стори сé што може, вклучително и интубација.
„Сите го видовме тоа. Симболи на омраза на неговото тело гордо ги покажуваа неговите ставови. Сите знаевме што мисли тој за нас. Како ги ценеше нашите животи. Сепак, сите бевме таму, работевме непречено како тим за да се осигураме дека му дадовме најголеми шанси за преживување. Сè додека носев маски, одело, заштита на лицето, ракавици“, напишал тој.
Николс пишувал за стресот, стравот и изолацијата на оние во медицинската област кои нон-стоп треба да се справуваат со вирусот како се забрзува пандемијата на вирусот.

Опишувајќи како се справувал со пациенти расисти и свастики уште од средно училиште, Николс напишал дека секогаш го надминувал тоа со мантрата дека на лицето што му дошло му треба лекар, и дека тоа е тој.
Тој признава дека се прашувал што може да помисли човек со нацистички тетоважи кога за него се грижи Евреин или како би било ако улогите се заменети.
„Прв пат препознавам дека се двоумев, амбивалентен. Пандемијата ме истроши и мојата мантра нема исто влијание во моментот. И разбирам дека можеби не сум ОК“, изјавил тој.
Приказната за овој лекар е споделена илјадници пати и добила бројни лајкови и коментари.
Да потсетиме, во Калифорнија се пријавени над 1,24 милиони случаи на коронавирус, со над 19.000 смртни случаи.