БРАВО – Андријана Јаневска избрана за проект на Гинисовата книга на рекорди!

Велат тивка вода брег рони…, а таква е Андријана, си работи и не зборува многу…
Но, иако за гласовните квалитети (но и како човек) на Андријана Јаневска не треба да се говори бидејќи се општо познати и потврдени, секогаш радува кога некој од Македонија, овојпат Јаневска, ќе биде избрана за некој светски проект – во овој случај на Гинисовата книга на рекорди со песна во која ќе учествуваат најмногу пејачи од светот. Песната има наслов „One Human“ чиј автор е американскиот композитор и продуцент Graham Czach… Голема чест но и обврска за Андријана Јаневска, а за нас, македонците, ГОЛЕМА гордост…
„Чест ми е да Ви соопштам дека ќе ја претставувам Македонија во проект за Гинисовата книга на рекорди! Станува збор за песна со најмногу пејачи на светот со наслов „One Human“ чиј автор е американскиот композитор и продуцент Graham Czach. Мој единствен услов за учество беше да пишува дека ја претставувам Република Македонија. Денес го потпишав договорот и следната седмица ќе ја снимам песната“, објави на нејзината страна на Фејсбук Андријана Јаневска.