Бас гитаристот на рок групата „Рибља чорба“, Миша Алексиќ починал на 68-годишна возраст од последиците од коронавирусот. Неговиот долгогодишен пријател Момчило Бајагиќ Бајага кратко коментирал дека се чувствува ужасно затоа што, како што рекол, починал еден од неговите најдобри пријатели, колеги и кум.
„Мојот пријател почина, дознав пред една минута. Ужасно се чувствувам затоа што почина еден од моите најдобри пријатели, тоа е сè што можам да кажам“, рекол кратко Бајага
Миша бил заразен со коронавирус, а од 13. ноември бил на лекување во КБЦ „Бежанијска коса“ во Белград, а неодамна неговата состојба се влошила и завршил на респиратор. Тој починал денес.
За време на лекувањето, Бајага и неговите „Инструктори“ упатија зборови на поддршка до починатиот музичар.
На својот официјален Инстаграм профил, групата го објави следново:
„Миша Алексиќ, басист на Рибља чорба, кум и голем пријател на Момчило Бајагиќ, е заразен со корона вирус и се наоѓа во сериозна состојба. Според ќерката Мина, Миша бил на апарати за дишење во последните три дена и се бори за живот. Бајага, во свое име и во име на инструкторите, испраќа порака за поддршка до Мишо“, напишаа тие, додавајќи:
„Држи се куме, стар мајсторе. Досега успешно помина низ многу работи, затоа сум сигурен и верувам дека ќе го победиш и ова зло. Веднаш штом се опоравиш, ве чекаме на проба на Таш. Знаете дека има некои работи што не вреди да се свират без тебе. Те сакаат Бајага и тимот!“