ekran платформа за слободоумни
Во пресрет на локалните избори контактна дневна емисија и на Алфа телевизија.
Отворената програма во стил на емисиите кои одеа на Алфа изминатите години, го менува името и од сега ќе се вика “Алфаскоп”. Термините на емитување се од понеделник до петок со почеток од 11.30 часот претпладне до 16. часот.
Забавно контактната редакција заедно со информативната на Алфа ќе презентираат се’ што се случува на културно забавната и дневната политичка сцена во Македонија. Друштво на познатите водители на Алфа, ќе им прави и Лазар Темелков кој во телевизијата се враќа после отсуство од четири години.
Потребата за внесување на политика во овој дел од програмскиот појас е поради локалните избори кои следат, а се’ со цел гледачите да се информираат, да го кажат своето мислење и сами да пресудат кој е тој што ќе одлучува за квалитетот на животот во местото каде живеат.
