Студиото „20th Century Fox” го објавил првиот трејлер за новиот филм од серијалот „Икс Мен“ – „Мрачен феникс“. Она што многумина изненадило дека од насловот на филмот првпат е изоставено „Икс Мен“, па филмот се вика „Мрачен феникс“.
Младата глумица Софи Тарнер, една од главните глумици во серијата „Игри на престолот“, се нашла во улогата на Џин греј, која во овој филм добива потполна моќ на Феникс.
Трејлерот дава увид во тоа што публиката може да очекува од, како што нагласува дистрибутерот „Мегаки филм“, во една од најинтригантните приказни на „Икс Мен“ сагата.
Трејлерот го прикажува развојот на Џин Греј од несакано дете кое по грешка предизвикало сообраќајна несреќа до конфликтна и темпераментна жена.
Професорот Икс се обидува да и помогне на Џин да ги совлада моќите, додека Мистик, која ја глуми Џенифер Лоренс, сака да го казни за лажење на младиот мутант.
Очекувано, од другата страна се Магнито и неговите мутанти кои ја охрабруваат Џин да ги ослободи моќите на Мрачниот феникс.
Во „Мрачен Феникс“, Икс Мен екипата се соочува со најстрашниот непријател кој доаѓа од нивните редови, тоа е Џин Греј.
За време на спасувачката мисија во вселената, Џин ја погодува мистериозна космичка сила, која ја направила бескрајно моќна, но и нестабилна при враќањето дома.
Џин кој е без контрола и ги повредува оние кои најмногу ги сака, почнува да ја растура силата која го држи Икс Мен на собир.
Кога семејството ќе почне да се распаѓа, мораат да најдат начин да се обединат и не само да ја сочуваат душата на Џин, туку и да ја спасат планетата од вонземјани кои сакаат да ја искористат моќта на Феникс и да завладеат со галаксијата.
Покрај Софи Тарнер и Џенифер Лоренс, публиката ќе ги гледа и Џејмс Мекавој, Мајкл Фасбендер и Џесика Честејн.