Ноќеска во театарот Долби во Лос Анџелес се одржа церемонијата на доделување на Оскарите, а за најдобар филм е прогласен „Everything Everywhere All at Once“.
View this post on Instagram
Почнувајќи од еден часот по полноќ и се до четири часот по полноќ, траеше најочекуваната вечер во светот на кинематографијата во која беа прогласени најдобрите филмови за изминатата година.
View this post on Instagram
Листата на достигнувања што ја одбележаа 2022 година ја предводи филмот „Everything Everywhere All at Once“, кој е прогласен за најдобар.
Златната статуетка за најдобар актер ја освои Брендан Фрејзер за улогата во филмот „Кит“.
Мишел Јуо беше прогласена за најдобра актерка на овогодинешното доделување на Оскарите благодарение на улогата во филмот „Everything Everywhere All at Once“.
Наградата за најдобро оригинално сценарио отиде во рацете на победникот на вечерта „Everything Everywhere All at Once“, а за најдобро адаптирано сценарио го доби филмот „Жените зборуваат“.
Michelle Yeoh accepts her #Oscar for Best Actress: "For all the little boys and girls who look like me watching tonight, this is a beacon of hope and possibilities. This is proof that dreams do come true." https://t.co/ndiKiHfmID pic.twitter.com/pQN8nHDhCx
— Variety (@Variety) March 13, 2023
Очекувано, наградата за најдобра режија и најдобра монтажа ја доби филмот „Everything Everywhere All at Once“, на Пол Роџерс.
Најдобар странски филм е „Ништо ново на запад“, кој доби и Оскар за најдобра кинематографија.
View this post on Instagram
За најдобри споредни улоги, Ке Хуј Куан беше награден во машка категорија, а Џејми Ли Кертис во женска категорија. И двајцата беа наградени за улогите во филмот „Everything Everywhere All at Once“.
Ke Huy Quan makes his grand entrance into the press room holding his #Oscar. "Can you believe I'm holding one of these?" https://t.co/wgCluOYWZT pic.twitter.com/8z7eTyJ5AU
— Variety (@Variety) March 13, 2023
„Аватар: Патот на водата“ доби Оскар за најдобри визуелни ефекти.
Најдобар игран анимиран филм е „Пинокио“ на Гиљермо дел Торо, а за краткиот филм оди кај екипата на „Момчето, кртот, лисицата и коњот“.
За најдобра оригинална филмска партитура повторно е награден филмот „Ништо ново на запад“, кој доби и Оскар за најдобар продукциски дизајн, односно сценографија.
За најдобар документарен филм е прогласен „Навални“, филмот на Даниел Роер за рускиот дисидент Алексеј Навални и обидот за труење од Владимир Путин. Филмот „Black Panther: Wakanda Forever“ ја освои наградата за најдобар костим, а „The Whale“ беше награден за најдобра шминка и фризура.
Најдобра оригинална песна е „Naatu Naatu“ од филмот „RRR“, а наградата за најдобар звук во филм ја доби филмот „Top Gun: Maverick“.
Да потсетиме, минатата година за најдобар беше прогласен филмот „CODA“. Златната статуетка за најдобра машка улога ја добија Вил Смит и Џесика Честејн за најдобра женска улога.
Сепак, вниманието од филмовите на 94-тото доделување на Оскарите на себе го сврте инцидентот со Вил Смит и Крис Рок, кога актерот му удри шлаканица на комичарот затоа што ја исмејуваше неговата сопруга Џејда Пинкет Смит.
Фото: Принтскрин/Instagram