Ужасните сцени од шпанската болница на кои се гледаат пациенти со коронавирус кои лежат на подот на преполни болници, кашлаат и се борат за здив треба да бидат отрезнувачки за многумина кои не ја сфатиле сериозно оваа пандемија, особено за оние кои не ги почитуваат мерките за изолација и прекинување на контактите со други.
Видеото, исто така, јасно ја покажува целата напорна работа на медицинскиот персонал што се обидува да му помогне на секој од нив, без оглед на условите. Повеќето пациенти имаат шишиња со кислород, а на многумина им е дадена инфузија. За жал, големината на епидемијата е толку голема што пациентите примаат третман додека лежат на подот на болницата „Инфанта Леонар“, во шпанската престолнина Мадрид.
Бројот на починати во шпанската престолнина се искачи на 1.230, а бројот на потврдени случаи на 10.575.
Во Шпанија, бројот на заразени лица денес се искачи на 35.136, а ова е најранливата европска земја по Италија.