ekran платформа за слободоумни
Полицијата го пријавила 53-годишниот возач за навреда на службено лице.
На еден германски возач очигледно му пречела радарската контрола на брзината, па на патролата која ја мерела брзината покрај патот налутено и покажал среден прст. Тоа се покажало и на радарската камера, а бидејќи на полицајците очигледно им здосадиле навредите, поднеле кривична пријава. Сега возачот треба да плати казна од дури 5.000 евра, пишува dpa.
Полицијата го пријавила 53-годишниот возач за навреда на службено лице. Епилогот од деветмесечниот судски процес, кој вклучувал пресуда, потоа жалба и, конечно, повлекување на жалбата, можело да заврши многу полошо за сторителот.
Имено, за ова дело законот се заканува со затворска казна до една година. Судот како олеснителна околност го прифатил тоа што осудениот немал криминално досие. Бесниот возач во меѓувреме се извинил.
Сепак, судот нагласил дека неговото дело не е „ситно“, соопштиле во средата обвинителството и сообраќајната полиција.
Полицијата во градот Пасау наведува дека минувачите, а не само возачите, редовно ги навредуваат службениците. За време на неодамнешниот празник, радарската патрола во пристаништето во Пасау била „најодвратно“ навредувана од велосипедистите, се вели во соопштението.
Фото: Архива
